Apartamenti ndodhet në qendër të Tiranës, te Banka e Shqipërisë, vetëm 2 minuta larg Sheshit Skënderbej. Me një vendodhje në zemër të kryeqytetit prona ka akses direkt në rrugët e sheshet kryesore dhe ofron të gjitha shërbimet e nevojshme për një jetesë komode dhe dinamike. I pozicionuar në katin e 4 të një prej ndërtesave emblematike të qytetit, apartamenti organizohet në një ambient ndenje dhe gatimi, dy dhoma gjumi të bollshme , një tualet me ajrim natyral, një depo të brendshme dhe një llozhë të gjatë lineare e ndarë në dy pjesë (midis hapësirës së ndenjes /gatimit dhe një prej dhomave të gjumit) për të krijuar privatësi. Me një sipërfaqe 95 m² dhe planimetri shumë të rregullt, prona ofron komoditetin e një hapësire të bollshme dhe ndricimi cilësor gjatë gjithë ditës prej orientimit Jug- Perendim-Veri. Apartamenti është i rinvestuar së fundmi dhe jepet i mobiluar. Zona ofron mundësi parkimi.